Mitglied
- Beitritt
- 18.06.2001
- Beiträge
- 108
D’Grittiga san mia (Bayerisch)
D’Grittiga san mia
"Grias eich God! Heat’s amoi zua, i muas eich wos vazäin. Heid vor a Woch, ja, genau Iadda is’ g’we’n war i bei so’am ‘Casting’, wei’ mei G’schpusi, na, wia hoast’s? Agent! Ja, genau, wei mei Agent g’sogt hod "Wast", hoda g’sogt „Wast, am Iadda host Zeit, do konnst da des ja amoi oschaun." Und i Depp hob ned g’frogt, um wos dass eingle gäht. Blos Deutsch soidat’s sei und koa Feasl soids ned sei. I hob ma hoid dengt, do springt ebba a gloana Aufdrid füa me raus. Wenigsd’ns häds a Brotzeid gem kena, aba wos is’ gwe’n? Nix is gwe’n!
I bi’ oiso do hikemma und earst hod’s so ausg’schaut wia imma: An Hauffa g’schnieg’lte Leid, Oid und Jung, manche sauba z’nervös, and’re ganz ‚cool’, wia ma heid so sogt, naja und dann is glei’ so a Hopfazupfamand’l daheakemma und hod wos vorg’les’n, wos i ma oba ned so genau o’khead hob. Häd i aba um’s Kreizvareck soin, damid i me späda ned häd so eagan miass’n. Sei’s wiea’s wui, danoch is’ a scho losganga. Des Mandl hod so an Radi hi’g’schtellt, so a ‚Mikrofon’ und scho’ hod’s den East’n g’riss’n und ea hod se den Radi gschappt und hod iag’ndwos von seina Strass vazäit, oda i woass ned, war ja ned so schlimm g’wesen, wenn’s dann danoch ned zum dischkudian o’gfanga hättn. Und i hob nimma ausse kenna, wei i iag’ndwo ganz in da Mitt’n g’sessn bi. Des woa wia bei dera deppad’n Sendung im Fernseha, dem ‚Litararisch’n Quadrat’ oda so. Oana hod no ganz groß do, vo’ weng ‚d’Grittiga san mia’. Des hod a freile so ned g’sogt, weil’s a Breiß g’we’n is. Wörtle hod a g’sogt: „Wir sind alle Kritiker."
Da nexde is so a dirra Haring g’we’n, Stucka 14 oda 15 Joa oid, allahächstn’s un’ dea hod iagndwos obabläbbad, wia schlächt’s eam doch geh dad un’ wia sei Säi doch lei’n daad, wei koana eam vastäd. Entschuidigt’s Leid, aba so wos hädda se unta’m Adi ned erlau’m kenna, do häd ma’n glei eikassiad un’ zu de Russ’n g’schickt. Aba i hob’s ja oiwei scho g’sogt, dass mid dera Jug’nd heidz’dog nimma weid hea is… Und dann is de Dischkudierarei wida losganga! I hob dengt me drifft da Schlog! Aba am End hod oam dea Gloane scho fast leid doa kenna. Den hom’s so wos vo’ z’legt. D’rum is a a glei ausse g’loffa und nimma z’ruck kemma. Dann is oana dahea g’kemma, wo i ma bei mia denkt hob, zu dem kannt i eingle a wos song. Vo’ de Auslända hod’a wos vazäid, vo’ dene Nächa, wo’s zu uns eine g’lassn hom, wo’s uns doch nach’m Griach doch ä so haude ganga is. Do hob i g’sogt: ‚Mei, im Grund san’s doch arme Hundt, wei’s doch a weiß sei woi’n, wia alle andan a.’ Da hom’s me alle og’schaut wia’s Moisal wenn’s blitzt und ham me voa d’Dia g’setzt! Ausseg’schmiss’n hod me de Bagasch! Saubreissn, elenddige, allez’amm! Aba froh war i dann doch, ois i wida drauss’n war. Leid i sog’s eich, des oane Moi, des hod ma g’reicht. S’nächste Moi schaug i mia davoa o, wo i hi’geh!"
