- Zuletzt bearbeitet:
- Kommentare: 11
Feanschaun (ein innerer Monolog im Wiener Dialekt)
Feanschaun!
Wos isn des! Ah Zeit im Büd! Jetzt bin i do glott aufgwocht. Na seawas, wos hotn deh heit wida au! So a Weib, kan Gschmockn!
Na do hauns sa se wida de Schädl ei, do untn in Paläst, no wia haßt des jetz schnö, Palestina, ka Rua net! No de wean scho segn wia weids damit kumman, de Kamötreiba, de! No, des Popkoan is heit ah a zache Gschicht, ranziga Schas, elendicha! Eikaufn hätt i geh soin! Bia is ah kans mea do!
No, dea Scheißwoikaumpf is ah a Schas. Wos de auffian de Trottln, des geht jo auf ka Kuahaut. Nau schau dan au, den Fetznschädl! Jetz kräut a umadum auf da Gossn. Sabbert olle Leit au mit sein Gschwafl, wos eh kana hean wü! An jedn wülla jetzt die Pfotn gebn.
Oaschlecha de! Noch di Woin is eana eh ollas wuascht. Ob si dea die Händ woscht nochm Brunzngeh, woascheilich net, daunn gibt an jeden die Haund, die Drecksau.
Na da Wiatschoftsminista! Wos? Olle soin se privatvasichan? Sog amoi sans jetzt olle gaunz deppat wuadn? A so a Oaschwimmerl, wea kaun si des scho leistn! Wea soidn des zoin? Außadem san die Böasn jo eh olle im Hugo, wo wüstn do no vasichan. Trottln! Na boid is a eh weg vom Fensta, daun kauna si mit seine Privatvesichrunga in Oasch auswischn, a so a Trottl. Na bei de Schmoazn, wos wüst do! Keazerlschluckerpartie elöndiche. Und die Jugos in de EU, na wo kummadn do hi. Woa Oasch de Regierung, nix haums gmocht, ah ned da Maida, owa gfoan is a zu deh Kamötreiwa. Sunst nix! Gfrasta! Olle! Gwöt hob i eam i Trottl!
Wos isn des jetza. Ah so Kultua! Na, des intressiat mi net! I schoit um! Im Spuat is ah nix! Nochhea? Wos steht do? "Liebe im Wald", fad, deh ollaweu mit eanare Serien, do wiast jo deppat im Schädl. Am aundan, is ah nix Gescheits, "Mit mir naß, eine Fernsehshow am Samstag Abend", no schauma hoit des. Eh wuascht, schlof eh wida eih!
Na seawas, den seine Lockaln san oba ah net echt. Wia dea deppat grinst. Des muaß a woama Bruada sei, so wia dea ausschaut. A so a Schas! I nimma jetzta des Kabe, des is vü gscheida! Do san wenigstns a poa leiwaunde Füm, monchmoi.
Na, deh zwa Madln do im Eck san scho liab, a Moikarei haum deh oman, na net schlecht! In so an Glitzerbikini, liab. Jetzt hoidns do a Numma ind Heh, ah so a Bledsinn. Wea isn do jetzt! Ah deh Milla, na deh schaut aus, a soa aufgspritzte Deazwetschgn! Kan Scheniera des Weib, ihre hängerten Eierspeistuttln hot sa seh jetzt ah aufblosn lossn! Und die Lipperln san jetzt no gfüta, wia bei an Goidfisch, schiaaach wia deh Nocht. An Spendenaufruf mochts fia Kinda in Afriga untn. I hob nix! Kaun do net an jedn wos gebn. Scho goa net waun so a überwuzlete aufgschwabte Koberin do im Fernseh dafia sudern geht.
Das deh net ah moi an gescheitn Füm spün kennan, deh Trottln do drin! Dafia muaß ma ah no zoin! Jetzt drah i o, hau mi ind Hapfm.